مـنـتديات مـلك الـعـراقــ،


 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 اليوم الحلقة الثانية مال داسكي بس اليوم عل البانزين يلا

اذهب الى الأسفل 
كاتب الموضوعرسالة
الصقر الغريب



عدد الرسائل : 23
الموقع : حشاش
تاريخ التسجيل : 22/07/2007

مُساهمةموضوع: اليوم الحلقة الثانية مال داسكي بس اليوم عل البانزين يلا   الإثنين يوليو 23, 2007 2:12 pm

هلو والله شلونكم حبايب اليوم نكمل يمعودين ماعدنة شي والله خطية دايسكي ابو اشتعل من اجة للارض ساعت السودة الي اجة بيها يلا خلي نبدي الكم هذا الموضوع هدية للكل يلا نبدي
فد يوم جان داسكي لازم سرة على البانزين هاي بانزين خانة القناة اتعرفوها مو .المهم فهو جان بايت علة البانزين ولازم سرة من وصل السرة الة چان يكلوولة البانزين خلص هو اتعارك وكلهم شنو خلص اني عايف كوكبي وجاي ادافع عنكم انتو شنو متستحون فهمة كلولة عيوني روح للمنطقة الخضراء وهمة يكلولك ليش خلص .فهو كلهم لا انتو تبيعونة للبانزين متخافون من الله .المهم رجع دايسكي للبيت وراح لبرج المراقبة فشاف هو ودكتور امون .امون لو خبز
المهم جسم غريب يقترب من الارض فكلة دكتور امون روح اركب كرين دايزر وانطلق وحاربة كلة بوية ترى ماعندي بانزين شلون اطير .كله روح على هيكارو بلكت عدها .دايسكي راح على هيكارو وكال امري لله شسوي .كل هيكارو اريد بانزين حتى اطلع احارب هذا المنفو .تعرفون طياراتهم اقوى من السيخوي 40 الروسية واقوى من الاف 19 الامريكية .المهم هو كل هيكارو اريد بانزين عندج كلتلة عندي 20لترة بس اشتريتها تجاري 24 الف كله شسوي بيهن عشرين هذني اتمضمض بيهن العشرين الكبسة مال كرن دايزر تاأخذ الها 10لترات هذني للشورجة ميوصلني .كلتلة اخذهن وروح واني ادز بيد كوجي كابتو تفويلة كاملة الك لان اكو واحد صديق ابوية دامبي يشتغل بمحطة الكيلاني بالاف بي اس مال المحطة .فهو كللها بسرعة خابري كوجي خلي يجي حتى يجيب بانزين .هيكارو كامت تخابر اهو خارج نطاق الخدمة .تعرفون ليش خارج نطاق الخدمة لان هيكارو خطها اثير وخط كوجي عرقنا .المهم طار دايسكي بس ما طار من القاعدة الرئيسة لان القاعدة الرئسية بيها ماطور ياخذة يم كرندايز وهو ماعندة بانزين فطفر من الجبل وصاح دوووووووووووووووووووووووووق فللللللللللللللللللللللللليت .فليت مو هذا مبيد الحشرات
وصاح كرن دايزر اشلع.طار نص الطريق كام يعتعت كرن دايز اجني المنفو كامن يقصفن فدايسكي نادة على برج المراقبة كلهم استعجلو بالبانزين لان ذولة راح يتونة توي فصاح الرشاش الصاهر ماعن اربعة رعد الفضاء اتفجرن خمسة
الصحن الطائر اتفجرن 3 بس ذولة لوتية جماعت القائد كندال سوو ستراتيجية مال حرب يعرفون كرن دايزر ماعندة بانزين لان السيد دانبي چان لازم بي سرة وفولة وباع التفويلة مالتة وهمة جانو مراقبينة فعرفو انو هو ماعندة بانزين .من دايسكي الى برج المراقبة ترى البانزين ماكو وين كوجي .همة هم نادو علية كلولة كوجي في طريقهو اليك.هو كلهم استلمت رحمة على والديك.كوجي اجة وايا 120 لترة بانزين امفول الدولفين مالتة جان يشتغل بيها على خط بغداد سوريا بس الاوضاع مو زينة عاف الشغلة مالتة المهم .فولها من هذا صديق السيد دانبي الي يشتغل بالاف بي اس مال بانزين خانة الكيلاني وطار بطيارتة هاي الي تشبها الميراج .من وصل يم دايسكي شاف وحش فيكا سايك على دايسكي يجيبة يمنة ويودي يسرة فنادة علية دايسكي هل انت بخير .كلة ولك يا خير عشر سيارت مفخخة ولا اقاتل وحش فيكا .تعرفون المخابرات مال كوكب فيكا يدخلون ارهابيين وانتحارين من الفضاء الخارجي على كوكب الارض .المهم دايسكي يسئال كوجي جبت بانزين لو لا .كوجي كلة اي جبت بس شلون انطيك اياهن كلة شوف اني راح اطفر بدايزر للارض وانتو فولي سبايزر الطيارة الي تحملة كلة خوووووووووووووووووش طفر دايزر اقفز نزلل للكاع
بس مو يركص للكاع يعني للارض المهم.كوجي كام يفول سبايزر يجب بهلجلكانات متتفول هجم بيتج جم لترة درت وبعدج ممفولة المهم دار الها 90 لترة نادة على دايسكي فوللتلك سبايزر تعال اصعد وحارب بالجو دايزر اقفز .سبايزر افتح واطب بالطيارة جان دايسكي ينادي على كوجي .كوجي شو كرن دايز كام يدك دوانز ليش خاف البانزين مو زين
كوجي كلهة شوفة بالمعدل هم ادك دوانز كلة ولك يا معدل مو راح يتويني توي هذا وحش فيكا المهم جيبة منا ودي منا ساك علية دايسكي طير جناحة الايمن وبعدين الايسر خلا ميطير ونزلة للكاع وصاح القزمة المزدوجة خالي وكطعة تكطيع ورج كرن دايزر للقاعدة هو ودايسكي وكوجي ودنية غروب لان كران دايزر دائمان جان دنيا غروب بي بس على التوقيت الشتوي ......................................وعاشو عيشة سعيدة


واعذروني لان الخط مديكبر عدي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الصقر الغريب



عدد الرسائل : 23
الموقع : حشاش
تاريخ التسجيل : 22/07/2007

مُساهمةموضوع: رد: اليوم الحلقة الثانية مال داسكي بس اليوم عل البانزين يلا   الإثنين يوليو 23, 2007 2:20 pm

وين الردود بالكعبة راح ابدي اعلسكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اليوم الحلقة الثانية مال داسكي بس اليوم عل البانزين يلا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنـتديات مـلك الـعـراقــ، :: القسم الترفيهي :: منتدى التحشيش والنكات-
انتقل الى: